ગુજરાતમાં કોરોના વાયરસના 88 કેસ નોંધાયા છે. જેમાંથી ત્રણનાં મોત નીપજ્યાં છે, અને આઠ લોકો સાજા થઇ ગયા છે. રાજ્યભરમાં કોરોના વાયરસ સામે ટકી રહેવા માટે હોસ્પિટલ તૈયાર કરવાના મામલે ગુજરાતે ચીનને પણ પાછળ છોડી દીધું છે. જ્યાં ચીને 10 દિવસમાં એક હજાર બેડની હોસ્પિટલ બનાવી હતી. ત્યાં ગુજરાતે માત્ર છ દિવસમાં 2200 બેડની હોસ્પિટલ બનાવીને ચીનનો રેકોર્ડ તોડ્યો છે.

21 માર્ચે જાહેરાત કરવામાં આવી હતી

ગુજરાત સરકારે રાજ્યના ચાર શહેરોમાં 2200 બેડની વિશેષ કોવિડ-19 હોસ્પિટલ બનાવવાની ઘોષણા કરી અને તરત જ તેનો અમલ શરૂ કરી દીધો. આ પછી 2200 બેડની એક હોસ્પિટલ ફક્ત છ દિવસમાં તૈયાર થઈ હતી. જેમાં અમદાવાદના સૌથી મોટા 1200 બેડ, સુરતમાં 500 બેડ અને પછી વડોદરા-રાજકોટમાં 250-250 બેડનો સમાવેશ થાય છે.

ફક્ત કોરોના સંક્રમિત દર્દીઓ જ દાખલ કરવામાં આવશે

પોઝિટિવ દર્દીને બીજા કોઈને પણ ચેપ ના લાગે તે માટે માત્ર કોરોનાથી સંક્રમિત દર્દીઓ જ આ હોસ્પિટલમાં દાખલ થશે. આ હોસ્પિટલ તમામ સુવિધાઓ અને દવાઓથી સજ્જ છે અને વિશ્વ આરોગ્ય સંગઠન (ડબ્લ્યુએચઓ) અને કેન્દ્રીય આરોગ્ય મંત્રાલયના માર્ગદર્શિકા અનુસાર કાર્યરત છે.

પંકજ કુમારની જવાબદારી શું હતી

જ્યારે ગુજરાતમાં કરણો વાયરસ ફેલાવા લાગ્યો, ત્યારે સરકારે રાજ્યના ચાર મોટા શહેરોમાં હોસ્પિટલો બનાવવાનું નક્કી કર્યું. મહેસૂલના મુખ્ય સચિવ પંકજ કુમારને ટૂંક સમયમાં આ હોસ્પિટલ બનાવવાની વિશેષ જવાબદારી સોંપવામાં આવી હતી. તેમની મહેનતને લીધે માત્ર ચાર શહેરોમાં હોસ્પિટલો તૈયાર નથી, પરંતુ આ બધી જગ્યાએ કામ પણ શરૂ થઇ ગયું છે.

રાજકોટની સિવિલ હોસ્પિટલના ચોથા માળે આઇસોલેશન વોર્ડ

રાજકોટ સિવિલ હોસ્પિટલની નવી બિલ્ડિંગ સુપર સ્પેશિયાલિટી હોસ્પિટલના ચોથા માળે એક આઇસોલેશન વોર્ડ બનાવવામાં આવ્યો છે. ત્યાં 200 બેડની વ્યવસ્થા કરવામાં આવી છે. હોસ્પિટલની ઓળખ હવે કોવિડ-19 તરીકે થઈ છે.

LEAVE A REPLY

Please enter your comment!
Please enter your name here

*